పెళ్ళిళ్ళు

మాకు తెలిసిన వాళ్ళ కోసం పెళ్లి సంబంధాలు చూస్తున్నాం. ఈ మధ్య ఆడపిల్లలకి డిమాండ్ ఎక్కువైపోవడం తో ఆడపిల్లలే దొరకడం లేదు.

సరే నేను ఒక సంబంధం చూశాను. నెట్ లో. పిల్ల C.A చదువుకుంది. ఆమె తండ్రి కూడా C.A నే. ఆ అమ్మాయి ఒక పెద్ద ఫర్మ్ లో ప్రాక్టిసు. చేస్తోంది బానే ఉంది. ఆ అమ్మాయికి కాబోయే వరుడు సేమ్ కాస్ట్ లో 27 సంవత్సరాల వయసులో ఉండి అతను కూడా C.A అయి ఉంది ఉండాలి ట. వాడు కూడా వస్తే చక్కగా అందరూ కలిసి ప్రాక్టీసు పెట్టుకుంటారు కాబోలు. పుట్టే పిల్లలని కూడా C.A చదివిస్తారేమో. ఈ పెళ్ళిళ్ళు నిజంగానే మనుషులకి మనుషులకి జరిగెవెనా లేకపోతే వాళ్ళ చదువుకీ వీళ్ళ చదువుకీ జరిగేవా?

చూడబోతే అన్ని చోట్లా అలాగే జరుగుతునట్టు ఉన్నాయి. . మొన్నే ఇంకో పెళ్ళికి వెళ్ళి వచ్చాను. పెళ్లికొడుకు ఒక్కగానొక్క మనవడు. తండ్రి లేడు. తాతయ్యే చాలా ముద్దు గా పెంచాడు. కోటీశ్వరుడు . ఆయనకి ఎన్ని భూములూ ఎన్ని ఇళ్ళూ ఉన్నాయో ఆయనకే లెక్కతెలియదు. సరే ఆయన మానవాడిని దూరం గా ఉంచి చదివించాడు. ఇప్పుడు ఒక పిల్లని ఇచ్చి పెళ్లి చేస్తున్నాడు. ఎలాంటి సంబంధమో తెలుసా? ఆ పిల్ల తండ్రికి ఓ సిటీ లో నాలుగు సినిమా హాళ్లు ఉన్నాయి. ఆయనకి ఎన్ని ఇల్లు ఎన్ని పొలాలు ఉనాయో ఆయనకీ లెక్కతెలీదు. ఇలా ఉందనమాట పరిస్తితి. ఇక కట్నం గురించి చెప్పాలా 4 కోట్లు. అదన్న మాట సంగతి. ఆ పిల్ల ఆస్తికీ ఈ పీల్లోడి ఆస్తికీ పెళ్లన్న మాట.

తెలుసుకున్నపుడు అదోలా అనిపిస్తుంది. ఎందుకో తెలియదు. ఇప్పుడన్నీ ఇలాగే జరుగుతున్నాయి లే అని సరిపెట్టేస్కోలేక ఏదో ఇక్కడ రాస్తే బెటర్ అనిపించి రాసేసా.